يقول ( المحبه ) ويش لا غابوا الأحباب ..؟
اقول : الجسد ، من غير ... نبض وَ شعور وَ روح

يقول النهار يغيب ، وش موقفك لا غاب ..؟
اقول : أن رضيت اسكت ، يصير السكوت البـوح

يقول الستر سمعه وَ ذكر وَ فعل وَ ثياب
اقول : المحب من الوله و السهر مفضوح

يقول انتْ قايل لي بـ سافر بدون عتاب ..؟
اقول : ايه ، قبل اضيع في وجهك المملوح

" قبل " تبدي الإعجاب و ابادلك الإعجاب
" قبل " تاخذ احساسي و قلبي عبث و تروح
" قبل " ينفتح لك بين عوج الحنايا باب

... و يبقى على طاريك طول العمر مفتوح ،‘

" قبل " لا توهق فيك يا الصادق الكذاب
" قبل " لا تحطم منك يا المخطي المسموح
" قبل " لا تعلقيني و ترحل بدون اسباب
" قبل " لا تعلمني اعدّ السنين جروح
" قبل " يتبعك و انت تمادى جفا و غياب

... قصيدي و دمع عيوني و صوتي المبحوح
يا ليت الزمن يرجع و احسب لـ جفاك حساب

( وعد ) ما تعلق فيك و انسآاااك ، قبل لا تروح ،‘


................ بـ سافرْ ..